Бииргэ арыгылаабыт киһитэ харчытын уорбут

ИДьМ сулууспатын 1 №-дээх полициятын дьуһуурунай чааһыгар киин куорат олохтооҕо 15 тыһ. солк. харчытын уорбуттарын туһунан сайабылыанньа суруйбут.

Холуобунай ирдэбил үлэһиттэрэ суһал-көрдүүр дьаһалларынан, 33 саастаах Ньурба оройуонун олохтооҕун туппуттар.

Силиэстийэ быһаарыытынан, уорбаланааччы уонна эмсэҕэлээччи биир уопсай билэр киһилэрин дьиэтигэр арыгы булан испиттэр. Сайабылыанньалаах эр киһи итирэн утуйбут. Түгэнинэн туһанан, хара саналаах уорбаланааччы утуйа сытар эр киһи хармааныттан кумааҕы харчытын уорбут. Уоруллубут харчы төннөрүллүбүт. Холуобунай дьыала тэрилиннэ. Уорбаланааччы 5 сылга диэри болдьоххо көҥүлэ быһыллыан сөп. Бу туһунан  ИДьМ пресс-сулууспата суруйар.