Бииргэ арыгылаан баран…

ИДьМ Ньурба улуустааҕы отделын дьуһуурунай чааһыгар икки киһи суотабайдарын сүтэрбиттэрин уонна харчы уоруллубутун туһунан сайабылыанньа суруйбуттар.

Холуобунай ирдэбил суһал-ирдиир үлэлэринэн, урут хаста да сууттана сылдьыбыт 38 саастаах олохтоох киһи уорбута быһаарыллыбыт.

Ол курдук, эмсэҕэлээччилэр уонна бу киһи билэр дьоннорун кытта биир хампаанньаҕа арыгылаабыттар. Ол кэмҥэ бу киһи биллэрбэккэ эрэ биир киһи суотабайын уорбут уонна баанын счетуттан онлайн-баан көмөтүнэн 65 тыһ. тахса солк. уоран ылбыт. Ону таһынан, өссө иккис киһи суотабайын эмиэ уорбут.  Уоран ылбыт харчытын матайдаабыт.

РФ ХК 158 ыст. («Кража») холуобунай дьыала тэриллибит.

СӨ ИДьМ пресс-сулууспата