Хаартыскаҕа Елизавета Терентьева түһэриитэ
Бүлүү улууһугар Кыргыдайга муҥха буолан ааста. Бу күн ордук оскуола оҕолоругар уонна эдэр ыччакка умнуллубат ураты күнүнэн буолбута саарбахтаммат.
Нэһилиэкпит аҕа баһылыга Эльдар Эдуардович Алексеев саҥа, сонун хайысхалары киллэрэр былааннаах үлэлии сылдьар. Манна быһааран этэр буоллахха, урукку өттүгэр эр дьон биригээдэ тэринэн ыраах баран муҥхалыыллар эбит. Онтон быйыл олохтоохтор, ким баҕалаах бары муҥхаҕа кыттыбыттара сонун буолла. Бастатан, эбэбитигэр Сатаҕайга киирэн ыраас, сибиэһэй салгынынан тыынныбыт, ийэ айылҕабытын кытта алтыстыбыт, күүс-уох ыллыбыт. Муҥха диэн маннык буолар эбит диэн биллибит, дьону кытта алтыстыбыт, санаабытын үллэһиннибит.
Сарсыардаттан эбэбит кытыытыгар муҥхаҕа кэлбит нэһилиэкпит олохтоохторун, ыаллыы Хаҕынтан кэлбит ыалдьыттары итии үүттээх чэйинэн, бурдук аһынан дьахталлар кэмитиэттэрин кэлэктиибэ күндүлээн-маанылаан көрүстүбүт. Манна даҕатан эттэххэ, дьахталлар кэмитиэттэрин саҥа састааба талыллыбыта, бэрэссэдээтэл Татьяна Ильинична Семенова.
Үссэнэ түһэн баран, сиэри-туому тутуһан кэлбит дьон күн эргииринэн оту буруолатан ыраастанан баран эбэбитигэр киирдибит. «ОДьКХ ГУП» салайааччылара Александров Егор Васильевич, Егоров Леонид Николаевич мунхаларынан икки биригээдэҕэ арахсан сырыттыбыт.
Манна быһаарар, кэпсиир, өйдөтөр, сүбэлиир буоланнар, ордук үчүгэй буолла. Эдэр ыччат, оскуола оҕолоро өбүгэлэрбит сиэрдэрин- туомнарын билэн, көрөн, өйдөөн, муҥхалыыр диэн маннык буолар эбит диэн астынан, киэн туттан, сүргэлэрэ көтөҕүллэн сырыттылар.
Онон бары бииргэ муҥхалаан, улаханнык сэргэхсийдибит. Күммүтүн олус туһалаахтык атаардыбыт.
Елизавета Наумова,
олохтоох дьаһалта исписэлииһэ.
Хаартыскаларга Елизавета Терентьева түһэриитэ
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…