Бииргэ олорор дьахтарын өлөрөн сууттанна

Дьокуускай куораттааҕы суут 41 саастаах эр киһи бииргэ олорбут дьахтарын өлөрбүтүнэн бириигэбэр таһаарда.

Быһылаан бу сыл балаҕан ыйыгар буолбута. Сууттанааччы уонна дьахтар Марха оройуонугар баар дьиэҕэ аһыы утах иһэ олорбуттар. Ол олорон дьахтар атын эр киһилэнэ сылдьыбытын туһунан билиммит. Онтон сылтаан этиспиттэр, эр киһи дьахтары кырбаабыт, муостаҕа суулларан баран быһаҕынан анньыталаабыт.

Дьахтар хаана сүүрэн, соторунан онно тыына быстыбыт.

Сууттанааччы буруйун билиммит. Кинини аҕыс сылга көҥүлүн быһарга бириигэбэрдээбиттэр.