Бииргэ олорор дьахтарын эчэппит

Ленскэй оройуонун суута олохтоох эр киһини РФ холуобунай кодексатын 111 ыст. 1 ч. буруйдаата. Ол курдук, эр киһи бииргэ олорор дьахтарын соруйан эчэтэр туһуттан дьайыылары оҥорбут.

Былырыын ахсынньы 23 күнүгэр эр киһи арыгы иһэн баран бииргэ олорор дьахтарын кытта кыыһырсыбыт. Кыыһырсыбыт уохтарыгар быдьар тылынан үөхсүбүттэр. Эр киһи дьахтар сыттаҕына, илиитин тоһуппут.  Суут кэмигэр эр киһи буруйун билиммит.

Бу дьон сокуоннай сааһын ситэ илик оҕолоохторунан уонна эр киһи оҥорбут дьайыытын кэмсиммитин иһин, буруйун билиммитинэн сымнатар накаастабылы анаабыттар. Онон эр киһи үс сыл устата усулуобунай болдьоххо ууруллубут. Ону таһынан, РФ холуобунай кодексатын 73 ыст. 5 ч.  сууттанааччы  ыйга биирдэ  УИИ регистрацияны ааһан, олорор сирин сэрэтиитэ суох уларытар кыаҕа суох диэн СӨ сууттарын пресс-сулууспата иһитиннэрэр.

Бириигэбэр сокуоннай күүһүгэр киирэ илик.