Бииргэ олорор дьахтарын төлөпүөнүн алдьатан сууттанар буолла

Полиция Дьокуускай олохтооҕор иирсээн кэмигэр бииргэ олорор дьахтарын төлөпүөнүн алдьаппытын иһин холуобунай дьыаланы тэрийдэ.

ИДьМ МУ 1 N-дээх полиция отделын дьуһуурунай чааһыгар дьахтар кэлэн, 45 тыһ. солк. сыаналаах төлөпүөнүн алдьаппыттарын туһунан сайабылыанньа киллэрбит.
Бэрэбиэркэ кэмигэр участковай полиция уорбаланар киһи ханна баарын билбит, бу 28 саастаах Горнай улууһун олохтооҕо эбит.
Эр киһи уонна дьахтар уустук сыһыаннаахтара, арахсар икки, холбоһор икки ардынан олорбуттара биллибит.

Уочараттаах иирсии кэмигэр эр киһи бииргэ олорор дьахтарын суотабай төлөпүөнүн былдьаан ылан муостаҕа хампы бырахпыт, ол кэнниттэн кыбартыыраттан тахсан барбыт.
РФ ХК «Умышленное уничтожение или повреждение имущества» 167 ыст. 1 ч. холуобунай дьыала тэрилиннэ, диэн иһитиннэрэр ИДьМ Саха сиринээҕи пресс-сулууспата.