Бииргэ олорор дьахтарыттан харчытын уорбут…

Дьокуускай куорат полициятын 4-с нүөмэрдээх отделыгар 37 саастаах дьахтартан сайабылыанньа киирбит.

Дьахтар  каартатыттан  25 000 солкуобайын уорбуттарын туһунан тыллаабыт. Суһал ирдиир үлэ түмүгэр биллибитэ,   дьахтары кытары бииргэ олорор 22 саастаах эр киһи харчыны  уорбут эбит. Эр киһи бииргэ олорор кэмигэр дьахтар төлөпүөнүн паролун билбит уонна мобильнай бааныттан харчытын ылбыт.  Уорбут харчытынан арыгы атыыласпыт уонна күүлэйгэ матайдаабыт.

Билигин эр киһиэхэ РФ Холуобунай кодексын  158 ыст. 3 чааһынан холуобунай дьыала көбүтүллүбүт.