Эдэр дьахтар бииргэ олорор киһититтэн кырбанан баран…

ИДьМ Дьокуускайдааҕы салаатын  пресс-сулууспата иһитиннэрбитинэн, Дьокуускай куорат олохтооҕо кыыс бииргэ олорор киһититтэн хаста даҕаны кырбанан, атаҕастабылы тулуйан баран үҥсүүттэн аккаастаммыт.

Балаҕан ыйын 7 күнүгэр, Дьокуускай куорат 3 №-дээх  полиция салаатын дьуһуурунай чааһыгар эдэр дьахтартан үҥсүү киирбит. Үҥсүүгэ сурулларынан, кыыһы бииргэ олорор киһитэ илиитинэн киирэр, кырбыыр эбит. Бу туһунан кыыс социальнай ситимҥэ суруйбут. Бэрэбиэркэ түмүгүнэн, полиция үлэһиттэрэ Үөһээ Халыма улууһун 26 саастаах олохтооҕо буоларын быһаарбыттар.  Дьахтардаах эр киһини полиция салаатыгар ыҥыран кэпсэппиттэр, онуоха кыыс бэйэтин көрдөрүүлэриттэн аккаастаммыт. Ол да буоллар бэрэбиэркэ салҕанар.