Бииргэ төрөөбүтүн өлөрүүгэ уорбаланар эр киһи тутулунна

Оройуоннар икки ардыларынааҕы силиэстийэлиир киин отдела киһини өлөрүүгэ уорбаланар,  Мохсоҕоллоох бөһүөлэгин  57 саастаах олохтооҕор холуобунай дьыаланы тэрийдэ.

Силиэстийэ чахчытынан, 2025 сыл атырдьах ыйын 26 күнүгэр итирик туруктаах ини-биилэр икки ардыларыгар тахсыбыт мөккүөр түмүгэр биирдэстэрэ аймаҕа киһини хаста даҕаны быһаҕынан анньыбыт.

Эмсэҕэлээбит киһи ылбыт бааһырыытыттан өлбүт, кини өлүгүн  дьиэтигэр кэлбит ийэлэрэ булбут.

Дьахтар ыалларыттан  “суһал көмөнү” ыҥыралларыгар көрдөспүт. Ол кэнниттэн мэдиссиинэ үлэһиттэрэ  охсуһуу кэнниттэн  булуллубут өлүк туһунан быраабы араҥааччылыыр уорганнарга биллэрбиттэр.

Билигин холуобунай дьыалаҕа силиэстийэлиир дьаһаллар ыытыллаллар.

Саха сирин силиэстийэлиир кэмитиэтэ