Бииргэ үлэлээбит киһитигэр итэҕэйэн

Алтай кыраайыттан сылдьар киһи Хаҥалас олохтооҕуттан балачча улахан сууманы уорууга уорбаланан тутуллубут.

РФ ИДьМ Хаҥалас улууһунааҕы холуобунай ирдэбилгэ үлэһиттэрэ СӨ ИДьМ управлениетын үлэһиттэрин, кэллиэгэлэрин кытта Алтай кыраайыттан төрүттээх 24 саастаах киһини туппуттар. Кини баан счетуттан 80 тыһ.солк. уорууга уорбаланар.

Быһаарыллыбытынан, эмсэҕэлээччи саастаах киһи буолан, хамнаһа киириэхтээх баан каартатын ылаары, кэллиэгэтин көмөлөһөрүгэр көрдөспүт. Сотору кэминэн сайабылыанньалаахха курьер хамнаһын каартатын аҕалбыт, онно кирэдьиит каартата эмиэ баар эбит. Эмсэҕэлээччи икки каарта баарын көрөн дьиктиргээбит уонна эмиэ бу кэллиэгэтэ көмөлөһөрүгэр көрдөспүт. Онуоха уорбаланааччы каартаҕа киирэр кыахтанан баран, ыйы быһа бу киһи кирэдьиитин каартатынан туһаммыт. Хас да ый буолан баран, уорбаланааччы үлэтиттэн тохтообут уонна Иркутскай уобаласка барбыт. Сотору кэминэн холуобунай ирдэбил үлэһиттэрэ кинини туппуттар.

Холуобунай дьыала тэриллибит.

СӨ ИДьМ пресс-сулууспата