Ил Түмэн пресс-сулууспата
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи бөҕөргөтүүгэ, сокуону оҥоруу үлэтигэр уопуту атастаһыыга туһуламмыт бииргэ үлэлээһин туһунан сөбүлэһиини түһэристилэр.
Сөбүлэһии Арассыыйа Федерациятын икки субьегын былааһын уорганнарын үлэлэрин көдьүүһүн үрдэтиигэ итиэннэ сокуону оҥоруу үлэтин сайыннарыыга икки эрэгийиэн парламеннарын сибээһин бөҕөргөтөргө саҥа кыахтары арыйар. Бииргэ үлэлээһин сүрүн хайысхата сокуону оҥоруу хаамыытын тупсарыыга, парламент үлэтэ аһаҕас буолуутун хааччыйыыга, федеральнай сокуон балаһыанньаларын олоххо киллэрэргэ уопуту атастаһыыга, РФ субъектарын судаарыстыбаннай былаастарын уонна олохтоох саайыныыга уорганнарын үлэлэрин тупсарыыга туһуланна.
– Сөбүлэһиини түһэрсии биһиги эрэгийиэннэрбит хардарыта сибээстэрин бөҕөргөтүүгэ боччумнаах хардыы буолар. Сокуону оҥоруу үлэтигэр, социальнай-экономическэй сайдыыга, социальнай көмүскэл боппуруостарыгар уонна да атын эйгэҕэ уопуту атастаһыы Саха Сирин уонна Луганскай Норуодунай Өрөспүүбүлүкэ олохтоохторугар үчүгэй эрэ өттүнэн дьайыаҕа. Бииргэ үлэлээһин көдьүүһэ улахан, – диэтэ Алексей Еремеев. Бу туһунан Ил Түмэн пресс-сулууспата матырыйаалыгар олоҕуран Сахапарламент.ру суруйар.
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…