Хаартыска: ааптар тиксэриитэ
Н.Е. Мординов-Амма Аччыгыйын аатынан Харбалаахтааҕы үөрэхтээһин холбоһугар иитэр-үөрэтэр, биллэрэр-сайыннарар ис хоһоонноох тэрээһиннэр тиһигин быспакка ыытылла тураллар.
Улуу нуучча суруйааччыта Михаил Лермонтов төрөөбүтэ 210 сылынан нуучча тылын учууталлара Бястинова И.Р., Лотова Л.Д., Халыева М.П., Блахирова В.В. тэрийиилэринэн кылаас чаастара, хоһоон ааҕыытын күрэҕэ буоллулар. Оскуола түмэлин салайааччыта Валентина Викторовна Блахирова урукку сыллардааҕы «Лермонтовскай бааллар» туһунан уруоктарга ол матырыйаалларын көрдөрөн кэпсээбитин бары наһаа сэҥээрдибит.
Уйулҕа ыйыгар аналлаах «Чөл олоҕу тутуһабын!» диэн нэдиэлэ иһинэн оскуолабыт «Орто Амма кэскилэ» хамсааһынын актыбыыстара сарсыардааҥҥы эрчиллиини тэрийэн ыыттылар. Психолог-учуутал Василиса Ивановна Дьяконова араас трениннэри, олохпутугар сүбэ буолар тургутуктары оҥортордо, ол сүнньүнэн сүбэлэри биэрдэ.
Саха бастакы үөрэхтээх дьахтара, фольклориһа М.Н.Андросова-Ионова төрөөбүтэ 160 сылынан ыытыллыбыт «Кыраайы үөрэтээччилэр» НПК-ларыгар 6 кылаас үөрэнээччитэ Петя Атасыков «Мин дьиэ кэргэним далбар хотуттара оҕону иитиигэ оруоллара», 10 кылаас үөрэнээччитэ Эмилия Федорова «Удьуор утума салҕанар» дакылааттарынан кыттан, иккиэн иккис миэстэни ылары ситистилэр. Кинилэри Кривошапкина В. С., Макарова В. В. салайан үлэлэппиттэр.
Бу күннэргэ араас биридимиэттэргэ оскуола иһинэн ыытыллар олимпиадаларга оҕолор көхтөөхтүк кытта сылдьаллар. Кинилэргэ ситиһиилэри баҕарабыт!
Лейла НИКОНОВА
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…