Хаартыска: Елена Потоцкая түһэриитэ.
«Биисинэс-Экспо» урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла төрдүс кыттыыта.
— Бу маннык урбаанньыттары өйүүр тэрээһин баар буолан, мин хас да хайысханан саҕалаан баран, билигин сүрүнүн — дойдубут сир аһын хатаран, «пастила» диэн айылҕа кэмпиэтин оҥорууга ылыстым.
Үлэм көрүҥүн сайыннаран, быйыл Кытайга тиийэн үөрэнэн, отон барыанньатын куурдар аныгы технологиянан үлэлиир тэрили ылынныбыт. Биһиги оҥорор саахара суох минньигэспитин аллергиялыыр оҕолордоох төрөппүттэр сакаастаан ылаллар. Маны таһынан, Саҥа дьыллааҕы бэлэх оҥорон таһаардыбыт. Айылҕа бу кэмпиэтин дьон олус сөбүлээн ылар.
Быйыл ыам ыйыттан «Север» научнай үөрэтэр киин (НОЦ «Север») резиденинэн буоллум. Онно Москваҕа «Патриот» кииҥҥэ «Аһылыктан куттал суох буолуута» («продовольственная безопасность» ) Норуоттар икки ардыларынааҕы быыстапкаҕа кыттан кэлбитим. Атырдьах ыйыгар аны аармыйаҕа сулууспалыыр саллааттарга наадалаах астары оҥорон таһаарыыга быыстапкаҕа кыттыбытым. Онно ити отону куурдан, пастила курдук, эти уонна галеты хатаран оҥоробун. Бу ас быыһааччыларга, саллааттарга олус наадалаах эбит диэн бэлиэтээбиттэрэ, — диэн кэпсиир урбаанньыт.
Онон «Биисинэс-Экспо» быыстапкаттан куорсун анньынан тахсыбыт Вера Лиханова үлэтин сүрүн сүүрээнэ дойду таһымнанна.
Быйылгы тэрээһиҥҥэ урбаанньыт «Быыстапкалыыр сири тупсаран оҥоруу» номинацияҕа бастаан, 30 тыһыынчалаах харчынан бириэмийэлэннэ.
Быйылгы быыстапкаҕа Вера Лиханованы кыттар бииргэ үлэлиэн баҕалаах урбаанньыттар кэлэн сүбэ-ама ыллылар, бородууксуйатын батарыыны ырыттылар.
Ити курдук, «Биисинэс-Экспо» быыстапка аан бастаан кыттар бэйэ дьыалатынан дьарыктанааччыларга дойду таһымнаах үлэлээх урбааньыкка тиийэ кынат үүннэрэр тэрээһининэн буолар.
Тохсунньу 14 күнүгэр Уус Маайа улууһун Белькачи сэлиэнньэтин кулууба умайан эрэрин туһунан суһал иһитиннэрии баһаарынай-быыһыыр…
В.П.Ларионов аатынан өрөспүүбүлүкэтээҕи “Инникигэ хардыы” 30-c төгүлүн ыытыллар кэмпириэнсийэ-күөн күрэс түмүктэннэ, кыайыылаахтар ааттара билиннэ. Быйыл…
Бүгүн, тохсунньу 15 күнүгэр, Дьокуускай куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, тохсунньу 15 күнүгэр, өрөспүүбүлүкэ баһыйар үгүс өттүгэр хаардыаҕа. Хоту оройуоннарга сөҥүү түһэрэ күүтүллүбэт. Арктика…
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…