Билбэт киһиттэн каартаҕа харчы түстэҕинэ тугу гынабыт?

Билбэт киһиттэн каартаҕа харчы түспүт түгэнигэр, бу түөкүннэр дьайыылара буолуон сөп. Бу туһунан Объясняем.рф. саайт суруйар.

Холобур, хара санаалаахтар харчыны атын дьон каартатыгар маннык сыаллаах ыыталлар:

• Киһи өйүн-санаатын булкуйаары — оннук түгэҥҥэ кинилэр харчыны атын счекка төннөрөргө көрдөһөллөр уонна аймалҕаҥҥын туһанан, харчы сорҕотун бэйэҕэр хаалларарга этиэхтэрин сөп. Өскөтүн сөбүлэстэххитинэ, буруйу оҥорууга кыттыгастаах буолуоххут;
• Харчыны чопчу счекка төннөрөргө ирдииллэр, онтон сиэртибэни шантажтыыллар — маннык түгэҥҥэ эһиэхэ утары холуобунай дьыала тэриллибитин туһунан этэн куттуохтарын сөп.

Буруйга кыттыгастаах буолбат туһугар:

1. Бааҥҥа билбэт киһиттэн харчы каартаҕа түспүтүн туһунан биллэриҥ;
2. Бааҥҥа бэйэҕит тиийэн, харчыны ыытааччыга төннөрөр туһунан сайабылыанньата суруйуҥ. Бааҥҥа салгыы тугу гынары уонна полицияҕа барар наадалаах дуу, суох дуу диэни быһааран биэриэхтэрэ. Харчы кэлбитин кэннэ эһиэхэ эрийэр, харчыны төннөрөргө көрдөһөр эбэтэр куттуур буоллахтарына — тутатына быраабы араҥаччылыыр уорганнарга биллэриҥ.