“Билбэт нүөмэргититтэн эрийдэхтэринэ ылымаҥ”

Бэҕэһээ Аллайыаха улууһун Чокуурдаах бөһүөлэгэр бэрт сэргэх уонна туһалаах тэрээһин буолбут. Ол курдук, Биэнсийэлээхтэр  сэбиэттэрин бэрэссэдээтэлэ Александра Майзик тэрийиитинэн биэнсийэлээх дьахталлары кытта улуустааҕы социальнай харыстабыл (Валентина Портнягина), Биэнсийэ управлениеларын (Матрена Лебедева), улуустааҕы Ис Дьыала отделын бэрэстэбиитэллэрэ кэлэн көрүстүлэр.

Бу көрсүһүүгэ биэнсийэлээхтэр хаһан, ханна сынньана барыахха сөбүн, айан төлөбүрүн, туох чэпчэтиилэр баалларын туһунан үгүс туһалааҕы билбиттэр.

Билигин куйаар ситиминэн түөкүттэр олус элбээбиттэринэн Полиция үлэһиттэрэ сэрэтэр үлэни ыыппыттар. Ханнык даҕаны билбэт нүөмэрдэриттэн эрийдэхтэринэ эппиэттээмэҥ диэн сүбэлээбиттэр.

Көрсүһүү кыттыылаахтара күннээҕи олоххо-дьаһахха көрсөр түгэннэригэр сыһыаннаах ыйытыылары эмиэ биэрбиттэр. Инникитин маннык туһалаах көрсүһүүлэр өссө да буолуохтара диэн эрэнэллэр.

Хаартыска: көрсүһүү кыттыылахтарын түһэриилэрэ.