Билэр киһитэ балыыһаҕа киирбитин туһанан баайын-дуолун уорбут

Хаста даҕаны сууттана сылдьыбыт эр киһи билэр киһитин  кыбартыыратын күлүүһүн уорбут уонна балыыһаҕа сытарынан туһанан, баайын-дуолун уорбут.

Эмсэҕэлээччи полиция дьуһуурунай чааһыгар тыллаабытынан, балыыһаҕа эмтэнэ сытар кэмигэр кыбартыыратын халаабыттар. Уопсайа 30 тыһ. солк. малын-салын уорбуттар.

Суһал-ирдиир үлэ кэмигэр холуобунай ирдэбил үлэһиттэрэ  уорбаланааччыны быһаарбыттар. Ол курдук 35 саастаах Уус Алдантан төрүттээх хаста даҕаны сууттана сылдьыбыт киһи эмсэҕэлээччигэ ыалдьыттыы сылдьан биллибэтинэн кыбартыыра саппаас күлүүһүн уорбут. Дьиэлээх хаһаайын балыыһаҕа киирбитин кэннэ,  телевизоры, болгарканы, шуруповеры, гайковерты уонна  лобзигы уорбут. Итиэннэ малы атыылаан, ол харчытын арыгыга бараабыт.

Билигин эр киһиэхэ РФ Холуобунай кодексын 158 ыст. 3 чааһынан холуобунай дьыала тэрилиннэ.