Билэр киһитин эчэтэн, дьыала тэрилиннэ

Горнай улууһугар эр киһи эмсэҕэлээбитинэн холуобунай дьыала тэрилиннэ.

Горнай улууһун борокуратуурата силиэстийэлиир уорган РФ ХК 111 ыст. 2 ч. “з”  пуунунан көрүллүбүт буруйу оҥоруунан холуобунай дьыаланы көбүппүтүн кытта сөбүлэстэ.

Көбүтүллүбүт холуобунай дьыалаҕа этиллэринэн, быйыл тохсунньу 1 күнүгэр Горнайулууһун Маҕарас сэл. бииргэ арыгылыы олорон, кыыһырсыы түмүгэр эр киһи билэр киһитин искэ тимир биилээҕинэн аспыт. Онон ол киһи ис уорганын таарыйбыт.

Билигин тустаах холуобунай дьыаланан силиэстийэ ыытыллар. Дьыала улуус борокуратууратын хонтуруолугар киирдэ.

https://t.me/tprocsakha