Хаартысканы Айыына Суордаах тиксэриитэ
Айыына Суордаах, эмчит:
– Саха сиригэр сиртэн хостонор баай-дуол саҥа сирэ көстүөҕэ. Дуоллар таһымыттан сылтаан, соҕуруу кириисис буолуоҕа. Ол биһиги дойдубутун эмиэ таарыйыаҕа. Дьиэ-уот, сир, ас сыаната үрдүүрүн көрөбүн. Онон дьон харчытын сөпкө туттарга үөрэниэн наада. Урбаанньыттарбыт атын бөдөҥ хампаанньаларга баһыйтаран, аҕыйыахтара.
Дойду үрдүнэн уларыйыы бөҕө иһэр. Соҕурууттан саҕалаан, сир хамсааһына элбээн, улахан уу кэлэрин көрөбүн. Дьон халлааҥҥа хаһан да көрбөтөх дьиктитин көрүөҕэ. Эмискэ ардах, хаар түһэр буолуоҕа, кураанныаҕа.
Хас да сиргэ сэрии буолара көстөр. Ол иһин Арассыыйаҕа, Казахстаҥҥа кэлии дьон ахсаана элбиэҕэ. Төрөөбүт сирдэриттэн тэскилээбит биир дойдулаахтарбыт төннөн кэлиэхтэрэ. Дойду соҕуруу өттүгэр саба түһүү (агрессия) намырыаҕа.
Сахабыт сиригэр саҥа тутуулар дьэндэйиэхтэрэ, саҥардан оҥоруу үлэлэрэ ыытыллыахтара. Киэҥ билиилээх-көрүүлээх дьон тахсыахтара, көмпүүтэри баһылаабыт талааннаах оҕолор элбиэхтэрэ. Ону таһынан, былыргы күндү маллар көстүөхтэрэ.
Төрөөһүн аҕыйыыр кутталлаах, доруобуйаларын көрүнэр эрэ дьон оҕолонор кыахтаныахтара. Үгүс дьахталлар “эко” көмөтүнэн оҕолоно сатыылларын көрөбүн.
Сахам дьонугар ийэҕит үүтүн кытта иҥэриммит Айыы итэҕэлигэр ис сүрэххитинэн итэҕэйэн, куруутун көрдөһө, махтана сылдьаргытыгар баҕарабын. Оччоҕо өбүгэлэргититтэн бэриллэр күүстээх өйөбүлү ылыаххыт диэн эрэнэбин.
Сирдээҕи кыһалҕаларга бэриммэккэ, дьиэ-уот, үлэ-хамнас күннээҕи түбүгэр умса түһэн хаалбакка, ис туруккут, сүрэххит тугу этэрин иһиллэнэ үөрэниҥ.
“РФ норуотун учуутала” бочуоттаах бэлиэ хаһаайына, РФ, СӨ үтүөлээх учуутала, ССРС норуотун учуутала М.А.Алексеев үөрэнээччитэ,…
Өймөкөөн улууһун бүддьүөтүн оҥорууга сир баайын хостуур бырамыысыланнас улахан оруоллаах. Бу туһунан бэҕэһээ, ыам ыйын…
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…
Байыаннай дьайыы саҕаланыаҕыттан элбэх саха буойунун кытары кэпсэтэн, кинилэр хорсун быһыыларын туһунан суруйдум. Үгүстэрин кытары…
Кэлиҥҥи кэмҥэ түөкүттэр “Энергосбыт” тэрилтэ эппиэттээх исписэлииһин аатыттан эрийэр түбэлтэлэрэ үксээтэ. Билигин үгүс дьон төлөпүөннэригэр…
Сунтаарга С.А.Зверев - Кыыл Уолун аатынан түмэлгэ уран оҥоһуктар араас кɵрүҥнэрин сырдатар, үйэтитэр кэрэхсэбиллээх быыстапкалар…