Анивера Акимова хаартыската
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун тиистээх, уһун моойдоох, сытыы харахтаах сылгы күүстээх сүүрүүк буолар.
Сарбынньах саадьаҕай, хара саадьаҕай ынах үөскүлэҥ буолар.
Утуктуур, дьарҕаларыҥ тыытар буолла да – тыал, хаар буолар.
Киһи мунна кыһыйдаҕына – итирик киһи сылдьыаҕа.
Хойуу кэнчээри үүннэҕинэ, уолбаҕа кулун туйаҕа элбэхтик үүннэҕинэ – үчүгэй сайын буолар.
Мутукча күһүн түспэккэ хааллаҕына – тумуулаах куһаҕан сыл буолар.
Тымныы кыһыҥҥа тииҥ мас төбөтүгэр уйа оҥостор. Ичигэс дьылга аллара уйа оҥостор.
Ардахтаах үчүгэй сайын кэлиэх буоллаҕына, сааскы чалбах түүн хооҥкурар. Кураан сайын кэлиэх буоллаҕына, тааҥнаан ньыҕарыйан хаалар.
Тыал, хаар буоларыгар чооруос эмискэ айманар. Хатааһыннаах сааска чооруос дьиэ таһыттан арахпат.
Тыал, хаар буоларыгар ыт сиртэн оту үргээн сиир, иһэ тыаһыыр.
Уһун дьогдьоот күһүн буолуох буоллаҕына – куобах эрдэ маҥхайар, тииҥ түүтэ көбүүр.
Ардахтаах сиппэрэҥ күһүҥҥэ куобах түүтэ маҥхайбат. Тииҥ түүтэ көбөөбөт.
(Н.Иванов «Сээркээн сэһэннэр, үтүө үгэстэр» кинигэтиттэн)
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…