Билиэҥҥэ түбэспит уонна сураҕа суох сүппүт дьон оҕолоругар төлөбүр көрүллүөҕэ

Байыаннай сулууспалаахтар атын категориялаах оҕолоругар социальнай өйөбүл эбии миэрэтэ көрүллэр буолла. Туһааннаах ыйаахха дойду Бэрэсидьиэнэ Владимир Путин бэҕэһээ илии баттаата.

Ыйаахха олоҕуран, байыаннай дьайыыга эбэтэр контртеррористическай операция эбэтэр Сирийскай Арабскай Өрөспүүбүлүкэ сиригэр анал соругу толоро сылдьан билиэҥҥэ түбэспит эбэтэр сураҕа суох сүппүт байыаннай сулууспалаахтар оҕолоругар ыйдааҕы социальнай төлөбүрү көрөргө эттэ. Төлөбүр хас биирдии оҕоҕо көрүллэр. Кээмэйэ Арассыыйа ыйыллыбыт субъегынан оҕолорго тиийинэн олоруу алын кээмэйигэр тэҥнэһэр (оҕо ханна олорорунан). Туһааннаах ыйаах илии баттаныаҕыттан олоххо киирэр диэн суруллар.