Хаартыска: Мария Васильева, ЯСИА.
Быйыл саас дойду Үөрэҕириитин министиэристибэтэ Билии күнэ өрөбүлгэ түбэһэринэн сибээстээн, балаҕан ыйын 2 күнүгэр – бэнидиэнньиккэ көһөрүөххүтүн сөп диэн иһитиннэрбитэ.
“РФ Үөрэҕириитин министиэристибэтин 2024 сыл бэс ыйын 1 күнүнээҕи №01-21/906 суругар олоҕуран, 2024-2025 үөрэх дьылыгар уонна Билии күнүгэр аналлаах үөрүүлээх тэрээһиннэри үөрэх тэрилтэлэригэр 2024 сыл балаҕан ыйын 2 күнүгэр ыытарга сүбэлииллэр (рекомендованы).
Бу сүбэ (рекомендация) эрэ буолар. Быһаарыыны оскуола бэйэтэ ылынар, линейканы балаҕан ыйын 1 күнүгэр эмиэ ыытыахтарын сөп” – диэн Саха сиринээҕи Үөрэх уонна билим министиэристибэтэ эрдэ иһитиннэрэн турар.
Онон быйылгы Билии күнүн Саха сирин үгүс үөрэҕин тэрилтэлэрэ бэнидиэнньиккэ – балаҕан ыйын 2 күнүгэр көһөрдүлэр. Хотугулуу-Илиҥҥи федеральнай университекка үөрүүлээх линейка эмиэ балаҕан ыйын 2 күнүгэр буоларын туһунан ректор Анатолий Николаев пресс-кэмпириэнсийэ кэмигэр эппитэ.
Үөрэх тэрилтэлэрэ бэйэлэрэ быһаарыы ылынар буолан, холобур, Чурапчы улууһугар бирикээс таһааран, Билии күнүн үөрүүлээх линейкатын халбаҥнаппакка күнүгэр – балаҕан ыйын 1 күнүгэр тэрийэргэ быһаарбыттар. Онон бүгүҥҥү күҥҥэ диэри оскуолаҕыт, орто, үрдүк үөрэххит кыһата тэрээһини хаһан ыытарын биллэрэ илик буоллаҕына, чопчулаһаргыт ордук.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…