«Билиигинэн кыайыаҥ!» истипиэндьийэ судаарыстыбаннай суолталанна

«Билиигинэн кыайыаҥ!» истипиэндьийэ судаарыстыбаннай суолталанна

15.11.2023, 19:50
Хаартыска -- Сергей Попов тиксэриитэ
Бөлөххө киир:

Сэтинньи 13 күнүгэр  Хаҥалас улууһун Өктөм нэһилиэгэр  Николаев-Кииҥҥэ Саха сирин Бастакы Бэрэсидьиэнэ Михаил Николаев төрөөбүт күнүгэр “Доҕоттор көрсүһүүлэрэ” уопсастыбаннас мунньаҕа буолан ааспыта.

Суолталаах тэрээһиҥҥэ өрөспүүбүлүкэ ытык киһитин бииргэ үлэлээбит соратниктара, кэллиэгэлэрэ, үөлээннээхтэрэ, судаарыстыбаннай уонна муниципальнай былаас бэрэстэбиитэллэрэ, үөрэх, наука, култуура, доруобуйа харыстабылын, успуорт эйгэлэрин үлэһиттэрэ кыттыыны ылбыттара. Кинилэр ортолоругар 2012-2023 сылларга Михаил Николаев көмөлөһөөччүтүнэн үлэлээбит Сергей Попов баара.

Сергей Валентинович  бу күннэргэ Ил Дархан  Айсен Николаев  СӨ  Бастакы Бэрэсидьиэнин аатын үйэтитиигэ туһуламмыт ыйааҕын туһунан бэйэтин санаатын үллэһиннэ:

Михаил Ефимович олоҕу тупсарыҥ, уларытыҥ, ол инниттэн  аан бастаан бэйэҕититтэн саҕалааҥ диэн анаан бэлиэтиирэ. «Билиигинэн кыайыаҥ!» истипиэндьийэ судаарыстыбаннай суолталаах буоларыгар хамыыһыйаҕа этии киирбитэ болҕомтоҕо ылыллыбытыттан олуһун үөрдүм. СӨ Бастакы Бэрэсидьиэнэ Михаил Николаев ”Билиигинэн кыайыаҥ!” диэн бэйэтин үбүгэр олохтообут анал истипиэндьийэтин үгэс быһыытынан сыл аайы төрөөбүт күнүгэр, сэтинньи 13 күнүгэр, өрөспүүбүлүкэ чулуу учууталларыгар уонна үрдүк ситиһиилэммит үөрэнээччилэргэ уонна устудьуоннарга туттарара. Кини бэйэтин төрөөбүт күнүн өрүү ити тэрээһининэн эрэ бэлиэтиирэ”.

Ити курдук, өрөспүүбүлүкэ уопсастыбаннаһа Михаил Николаев нэһилиэстибэтин кэлэр көлүөнэлэргэ үйэтитэр туһунан бэрт кэскиллээх ыйаах тахсыбытын сэргии ылынна.

+1
2
+1
1
+1
0
+1
0
+1
1
+1
0
+1
0
Бары сонуннар
Салгыы
15 апреля
  • -19°C
  • Ощущается: -19°Влажность: 71% Скорость ветра: 1 м/с

Сообщить об опечатке

Текст, который будет отправлен нашим редакторам: