Хаартыска Сайыына Румянцева тиксэриитэ
Өспөххө «Кубок знатоков наслега» бырайыак быйылгы оонньуута түмүктэннэ.
Бу күн түөртүү киһилээх 6 хамаанда бары бииргэ мустаннар, атах тэпсэн олорон өй-билии өттүгэр бэйэ-бэйэлэрин кытта күөн көрүстүлэр, илин-кэлин түһүстүлэр. Хамаандалар бары ох курдук оҥостон, үчүгэйдик бэлэмнэнэн кэлэн, интэриэһинэй, өрө күүрүүлээх, тыҥааһыннаах киирсии буолла. Түмүк оонньууга 3 түһүмэх киирдэ. Ол курдук: 1) Саҥа дьыл тула ыйытыылар
2) Кроссворд, ребус таайыыта 3) Хамаандалар бэлэмнээн кэлбит иккилии ыйытыктара (Аҕа дойду сэриитигэр кыттыбыт Саха Сирин суруйааччыларыгар уонна дьоруойдарыгар сыһыаннаах).
Быйылгы оонньуу Улуу Кыайыы өрөгөйдөөх 80 сылыгар, Арассыыйаҕа Аҕа дойдуну көмүскээччилэр, Саха Сиригэр Ийэ дойдуну көмүскээччилэр, улууспутугар Тыа хаһаайыстыбатын сылларыгар ананна. Сыл устата хамаандаларга уопсайа 5 түһүмэх тэрилиннэ. Алтыһынан түмүк оонньуу ыытылынна. Хас биирдии түһүмэх анал тиэмэлэрдээх. Оонньуохтарын иннинэ, кыттааччыларга чэпчэтии оҥорон, бибилэтиэкэҕэ аналлаах тиэмэнэн кинигэ быыстапката бэлэмнэммитэ. Оонньуубут түмүгэ нэһилиэккэ «Сыл түмүктэрэ» тэрээһиҥҥэ иһитиннэриллиэҕэ.
Бу оонньууну биир дойдулаахтарбыт олус сэҥээрдилэр, тэрийэн ыытарга төһүү күүс буоллулар диэн бэлиэтиэхпин баҕарабын. Ол курдук, Өспөххө бастакы бибилэтиэкэ маҥнайгы сэбиэдиссэйинэн үлэлээбит Белолюбская (Местникова) Мария Илларионовна сыдьааннара — оҕолоро, сиэннэрэ бу оонньуубутугар сүрүн спонсорынан буоллулар.
Көһө сылдьар кубогы «Сайдам» култуура уонна успуорт комплекса анаан-минээн оҥоттордо. Олохтоох бибилэтиэкэҕэ бу курдук болҕомто уурбут, өйөбүл буолбут бар дьоммор, спонсордарбар, кыттааччыларбар ис сүрэхпиттэн истиҥник махтанабын!
Инникитин даҕаны бу бырайыагым сайдан, кэҥээн иһиэҕэр, эһиил эмиэ саҥа күүрээннээх оонньуулар ыытыллыахтарыгар эрэнэбин. Үлэ салҕанар! Кэлэн иһэр саргылаах саҥа сылынан бука барыгытыгар итии-истиҥ эҕэрдэ. Чөл туругу, үтүмэн үтүөнү, кэхтибэт кэрэ кэскили баҕарабын!
Сайыына Румянцева, бибилэтиэкэр
Өспөх, Уус Алдан.
Хаартыска, видео ааптар тиксэриитэ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…