Хаартыска: ааптар түһэриитэ.
Билим күнүн көрсө ыытыллыбыт пресс-кэмпириэнсийэҕэ СӨ Билимин академиятын бэрэсидьиэнэ Леонид Владимиров академик Николай Черскэй олоҕун, үлэтин холобур аҕалан туран, бүгүҥҥү билим соруктарын туруорда.
“Николай Васильевич 80 сааһын туоларыгар, ол аата 1985 сыллаахха ССРС НА СС Саха сиринээҕи филиалын Президиумун бэрэссэдээтэлинэн үлэлии олорон, улахан ыстатыйа таһаартарбыт, — диэн эттэ Леонид Николаевич. — Онно Биология института, Хайа дьыалаларыгар институт дьиэлэрэ тутулуннулар, салгыы Лабораторнай куорпуһу, Учуонайдарга аналлаах киини тутуохпут диэбит. Бу аныгы технологиянан сэбилэммит лабораторнай куорпуска кини учуонайдары барыларын мунньар ыра санаалаах эбит. Манна дойдуга эрэ буолбакка, аан дойду таһымнаах күүстээх билим каадырдарын иитэн-үөрэтэн таһаарар баҕалааҕа. Ол саҕана ирбэт тоҥу чинчийии, тымныыны үөрэтии, саҥа матырыйааллары, композиттары айан таһаарыы, Арктика усулуобуйатыгар бэрэбиэркэлээһин күүскэ ыытыллара. Н.В. Черскэй ССРС НА СС Саха сиринээҕи филиалыгар үлэлиир кэмигэр ССКП Саха сиринээҕи обкомун бастакы сэкирэтээринэн Гавриил Чиряев үлэлиирэ. Бу кэмҥэ билим былаас үлэтин ыксатыгар сылдьара, хорсуннук быһаарыныылары ылынан иннилэрин диэки баран иһэллэрэ. Гаас үөскээбит сирин арыйан, Дьокуускайга диэри тардан аҕалбыттара, сыбаайаҕа дьиэлэри тутуу саҕаламмыта, сир баайа балысханнык хостоноро. Улуу дьыалалар оҥоһуллубуттара ити сылларга”.
СӨ Билимин академиятын бэрэсидьиэнэ билигин да академик Н.В. Черскэй оччолорго туруорбут соруктара учуонайдар иннилэригэр туралларын тоһоҕолоон бэлиэтээтэ.
“Ити этиллибит соруктар сорох өттүлэрэ олоххо киирэр, ол гынан баран үбүлээһинэ суох улахан дьыала кыайтарбат. Итиннэ дойду бэрэсидьиэнэ, үбүлээһини эрэгийиэн салалтата уонна федеральнай билим-чинчийэр институттара оҥоруохтарын сөп диэн этэн турар. Билимҥэ угуллубут үп син биир бэйэтин ороскуотун сабынар. Онон учуонайдар бэйэлэрин сыалларын-соруктарын чуолкайдык туруоруохтарын наада, сибилигин өрөспүүбүлүкэҕэ, Арассыыйаҕа, биһиги нэһилиэнньэбитигэр туох нааданый? Тоҕо энэргиэтикэ, ОДьКХ себестоимоһа үрдүү туралларый, тоҕо Хоту сиргэ олоруу ыараханый? Ити ыйытыктары куруук учуонайдар быһаарар этилэр, онон биһиги иннибитигэр олус улахан соруктар тураллар”, — диэн Леонид Владимиров этиитин түмүктээтэ.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…