Биллэр шоумен Павел Воляны Өлүөнэ эбэ кэрэ көстүүтэ сөхтөрдө

Арассыыйа артыыһа, телеведущайа, шоумен уонна комик Павел Воля бэйэтин телеграм-ханаалыгар Саха сиригэр Өлүөнэ очуостарыгар айан-сырыытын туһунан видеоларын көрдөрдө.

Ону кини кылгас видеолары устан, репортаж быһыытынан оҥорбут. Видеотуттан көрдөххө, Павел Воля Саха сиригэр улахан оҕотун кытта кэлбит. Уола Роберт айантан «саамай интэриэһинэйи» күүтэрин туһунан этэр.

Өрөспүүбүлүкэ ыалдьыттара Саха сирин биир кэрэ көстүүлээх сиригэр уунан айаннаабыттар. Айаннаан иһэн Павел Воля уолунаан Еланка очуостарыгар тохтообуттар. Салгыы кинилэри «Өлүөнэ очуотара» национальнай паарка көрөр былаһааккатыгар тахсыы күүппүт. Онтон арыллар Өлүөнэ эбэ кэрэ көстүүтэ, киэҥэ-куоҥа артыыһы сөхтөрбүт.