Биллиилээх суруналыыс Иван Ушницкай олохтон туораата

Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын  сойууһун,  РФ уонна СӨ суруйааччыларын сойуустарын чилиэнэ, В.В. Никифоров — Күлүмнүүр аатынан суруналыыстыкаҕа судаарыстыбаннай бириэмийэ лауреата, СӨ бэчээтин уонна ыччат бэлиитикэтин туйгуна Иван Петрович Ушницкай  бу орто дойдуттан букатыннаахтык барда. 

Иван Петрович 1961 сыллаахха Уус Алдан оройуонун Дүпсүн сэлиэнньэтигэр күн сирин көрбүтэ. Кини оҕо эрдэҕиттэн хараҕынан мөлтөхтүк көрөрө. Ол эрээри, итинтэн олох санаатын түһэрбэккэ, иннин диэки кимиилээхтик дьулуруйбута. Чахчы кытаанах санаалаах буолан, кини ыра санаатын толорон олоҕун бүүс-бүтүннүү суруналыыстыкаҕа анаабыта.

Салгыы былырыын «Дьон сүрэҕэр ньургуһуну тылыннараары…» диэн Иван Петрович Ушницкай туһунан ыстатыйа тахсыбытын ааҕыҥ.

РИИХ «Сахамедиа» АУо уонна»Саха сирэ» хаһыат кэлэктииптэрэ Иван Петрович дьиэ кэргэнигэр уонна чугас дьонугар дириҥ кутурҕанын тиэрдэр.