Хаартыска: freepik.com
Аны түөкүттэр сиэртибэлэринэн билсиһии саайтарын туһанааччылара буолуохтарын сөп. Хара санаалаахтар дьон итэҕэлигэр киирэн, тус дааннайдарын ылаат, шантаастаан, куттаан барар түгэннэрэ элбээбит. Бу туһунан ИДьМ салаатын Кибербуруйу утары охсуһар управлениета иһитиннэрэр.
«Түөкүттэр бу саайтарынан кэпсэтэн, интимнэй хаартыскалары эбэтэр киһи тус дааннайдарын ылаат, шантаастаан харчы көрдөөн, куттаан саҕалыыллар», — диэн биэдэмистибэ ТГ-ханаалыгар суруйдулар.
Иһитиннэриигэр бэлиэтэнэринэн, сиэртибэ бастакы харчытын ыыппыт кэннэ, түөкүттэр «Украина Сэбилэниилээх күүстэрин үбүлээһиҥҥэ харчы барда» диэн куттуур буолбуттар. Ол кэнниттэн ирдиир харчыларын кээмэйэ өссө бүк үрдүүр эбит.
Ону таһынан, өссө биир ньыманан, сааһын ситэ илик оҕолору куттууллара биллибит. Түөкүттэр сиэртибэ ханна баарын (геопозициятын) билэн баран, ол информацияны разведкаҕа биэриэхпит эбэтэр «беспилотниктары ыытыахпыт» диэн сааналлар эбит.
Биэдэмистибэ билбэт-көрбөт дьоҥҥо тус дааннайдары эбэтэр аһаҕас ис хоһоонноох матырыйааллары ыыппаккытыгар сүбэлиир. Маны таһынан, дьиҥнээх киһилиин суруйсаҕын дуу, эбэтэр албын киһи буоларын бэрэбиэркэлиэххэ наадалааҕын сэрэтэр.
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…