Бириэмийэ суруммут оскуола дириэктэрэ улахан суумаҕа ыстарааптанна

Мэҥэ-Хаҥалас улууһун суутунан 46 саастаах олохтоох эр киһи харчы уорууга бириигэбэрэ сокуоннай күүһүгэр киирдэ.

Кини РФ ХК 160 ыст. 3 ч. 250 тыһ. солк. суумалаах ыстараабынан буруйданна.

Суут кэмигэр быһаарыллыбытынан, буруйдаах оройуон биир оскуолатын дириэктэринэн үлэлии сылдьан бэйэтин аатыгар бириэмийэ аныырга бирикээс таһаарыммыт уонна баттаабыт. Бириэмийэ харчытын тус наадатыгар туһаммыт, диэн Мэҥэ-Хаҥалас улууһун суутун пресс-сулууспата иһитиннэрэр.