Бириэмийэҕэ тиксибит бастыҥ учууталлар испииһэктэрэ таҕыста

Педагог уонна уһуйааччы сылынан бастыҥ учууталларга   бириэмийэ туттарыллара быһаарыллан, быйыл Арассыыйа үрдүнэн  1250 киһи бириэмийэ ылыаҕа. 

Бириэмийэ куонкурус түмүгүнэн  быһаарыллан туттарыллар. Саха сиригэр куонкурус бэс ыйын 5 — 15 күннэригэр ыытыллан, уопсайа  103 учуутал 12 иһигэр киирэр туһугар күрэстэстилэр.  Ирдэбил быһыытынан үс сылтан итэҕэһэ суох үлэлээбит  учууталлар куонкуруска  кытыннылар.

Бу күннэргэ үөрэх миниистирэ И.П. Любимова бирикээһинэн куонкурус кыайыылаахтарын испииһэгэ таҕыста. 

Дьэ бастыҥнар  кимнээхтэрий?

• Үөһээ Бүлүү улууһун Боотулуу орто оскуолатын нуучча тылын  уонна   литературатын учуутала   Оксана Семенова;

• Сунтаардааҕы  политехническай  лиссиэй-интэринээт нуучча тылын  уонна   литературатын учуутала Туйаара Алексеева;

• Таатта улууһун Ытык Күөл 1 нүөмэрдээх орто оскуолатын  биологияҕа учуутала  Равелла Пинигина-Сосина;
• Дьокуускай куорат 7 нүөмэрдээх оскуолатын  нуучча тылын  уонна   литературатын учуутала  Надежда Шестакова;
• Өлүөхүмэ улууһун Абаҕа орто оскуолатын саха тылын уонна литературатын учуутала  Раиса Уйгурова;
•  Мииринэй оройуонун 19 нүөмэрдээх орто оскуолатын физикаҕа учуутала  Дарья Криволапова;
• Нерюнгри 1 нүөмэрдээх гимназиятын  географияҕа учуутала  Марианна Кушнир;

• Бүлүү  3 нүөмэрдээх орто оскуолатын учуутала  Екатерина Комарова;
• Дьокуускай куораттааҕы лиссиэй  химияҕа учуутала  Туйаара Жиркова;
•  Чурапчы орто оскуолатын алын кылаастарын учуутала Лена Слепцова,
• Нерюнгри  24 нүөмэрдээх информационнай-технологическай лиссиэйин  математикаҕа учуутала  Инесса Шредер;

• Горнай улууһун Бэрдьигэстээх орто оскуолатын алын кылаастарын учуутала  Ульяна Колесова.