Өрөспүүбүлүкэҕэ тоһуттар тымныылар түһэллэрэ сабаҕаланарынан, климатическай уонна санитарнай-эпидемиологическай усулуобуйанан сибээстээн, бэҕэһээ СӨ үөрэҕин уонна билимин миниистирэ Ирина Любимова бирикээһэ тахсыбыта.
Бирикээскэ олоҕуран, үөрэх тэрилтэлэрэ 2023 сыл тохсунньу 16-18 күннэригэр тэйиччиттэн үөрэх технологиятын туһанан үөрэтэллэрин туһунан суруллар. Бирикээскэ кылааһа ыйыллыбатах этэ. Онон үгүс сонуну тарҕатар ситимнэр иһитиннэрии оскуола үөрэнээччилэригэр эрэ сыһыаннаах диэн таһаарбыта. Ол эрээри, пресс-сулууспа: “Туһааннаах бирикээс СӨ Үөрэҕин уонна билимин министиэристибэтин иһинэн үлэлиир үөрэх тэрилтэлэригэр барыларыгар сыһыаннаах. Бирикээскэ олоҕуран, актированнай күннэр тустарынан иһинээҕи бирикээһи таһаарыахтаахтар”, — диэн иһитиннэрдэ. Ол эбэтэр бу бирикээскэ олохтоох кэллиэстэр, тиэхиньикумнар эмиэ хапсаллар. Онтон үрдүк үөрэх тэрилтэлэрэ федеральнай буолалларын быһыытынан, туспа быраабылалаахтар.
Социальнай ситимнэргэ: “Уһуйаан иитиллээччилэрэ тоҥмоттор, тымныыны аахсыбакка бараллар”, — диэн элбэхтик суруйаллар. Тымныы күҥҥэ төрөппүт иитээччини, учууталы сэрэтэн баран оҕотун уһуйааҥҥа, оскуолаҕа ыытымыан сөп. Ол бэйэтин бырааба.
Хаартыска: СИАтан.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…