Битэмииннэр тустарынан

Битэмииннэр тустарынан билэҕит дуо? Үксүбүт күүһү-уоҕу биэрэллэр, иммунитеты үрдэтэллэр, баттах  түһэрин тохтотоллор диэн билэбит. 

Манна көрүөҕүҥ. Тугу суруйалларый? Туох диэн быһааралларый?

А битэмиин — иммунитеты үрдэтэр, кырдьыы процесстарын мэһэйдиир.

В1 (тиамин) — маны эньиэргийэ, оптимизм битэмиинэ дииллэр. Бу битэмиин тиийбэтэҕинэ, дьон умнуган, ээл-дээл буолар.

В2 (рибофлавин) — харах, мэйии үлэтигэр дьайар. Хаан аҕыйыырыттан сэрэтэр.

В3 — өскөтүн эн кыраттан да ньиэрбэнэйдиир буоллаххына, В3 тиийбэт. Бу битэмиин өссө холестерины кыйдыыр.

В16 — супербитэмиин! Күҥҥэ баара-суоҕа грамм 3 мөлүйүөнтэн биирэ наада. Оттон олохпут устата барыта В16 биир бурдук туорааҕын саҕаны сиир эбиппит. Хаан оҥоруутугар, ньиэрбэ систиэмэтин үлэтигэр кыттар. Сүөһү бородууксуйатыгар эрэ баар. Онон вегетарианецтар В16 дэписсиитэ буолуохтарын сөп.

Биотин — тириигэ, баттахха уонна тыҥырахха наадалаах битэмиин. Сераны туһааннаах сиригэр тиэрдэр. Биотин тиийбэт буоллаҕына, киһи баттаҕа түһэр, хоһоҕолонор, тыҥыраҕа тостумтуо буолар.

Фолиевай кислота — килиэккэ үллэһиллиитигэр, иммунитет үрдүүрүгэр туһалыыр.

Пантотеновай кислота — көнө, дьылыгыр уҥуох «архитектора». Истириэскэ бэриммэт буоларга көмөлөһөр, сүһүрдэр ыарыылары утары эмиэ туһалаах.

С битэмиин — айылҕа саамай дьикти бэлэҕэ. Организмҥа икки сүрүн соругу толорор: иммунитеты күүһүрдэр, ис туругу (психиканы) чөл туруктуур.

Д — сорох химиктэр этэллэринэн, бу битэмиин буолбатах, гормон үһү. Тоҕо диэтэххэ, киһи организма бэйэтэ оҥорон таһаарар — оһоҕоско буолбатах, тириигэ. Сүрүн сыала-соруга — киһи уҥуоҕун кытаатыннарар.

Е — организм «харабыла». Кырдьыы процеһын бытаардар. Бу битэмиин хаан эргиирин чөллүүр.

К битэмиин — уҥуохха, холбуур «матырыйаалларга» туһалаах. Бүөр үлэтигэр эмиэ көмөлөөх.

Чэгиэн буолуҥ!

Саха ыалын халандаарыттан, 2012 с.