Хаартыска sakha.gov.ru ылылынна
Дьокуускайга «Куруһаала» эргиэн киинигэр табаары оҥорон таһаарааччылар «Бизнес-Экспо 2023» быыстапкалара саҕаланна.
Быыстапка ахсынньы 10 күнүгэр диэри буолуоҕа. Тэрээһин Арассыыйа Бэрэсидьиэнэ Владимир Путин көҕүлээбит «Аччыгый уонна орто урбаан» национальнай бырайыагы олоххо киллэрии иитинэн ыытыллар.»Бизнес-Экспо» — бу Саха сиригэр табаары оҥорон таһаарааччылар сыл ахсын ыытыллар быыстапкалара. 2010 сылтан тиһиктээхтик ыытыллар.
Манна биир түһүлгэҕэ улуустартан урбаанынан дьарыктанааччылар мусталлар, бастыҥ табаардарын аҕалаллар. Быыстапка сүрүн сыала — олохтоох оҥорон таһаарыыны киэҥник тарҕатыы, дьоҥҥо-сэргэҕэ билиһиннэрии. Бу дуорааннаахтык ыытыллар быыстапканы «Мин биисинэһим» киин тэрийэр.
Өрүү да буоларын курдук, быйыл «Бизнес-Экспо 2023» далааһыннаах тэрээһиҥҥэ өрөспүүбүлүкэ бары муннугуттан бастыҥ табаардарын аҕаллылар. Манна баалларбэртээхэй оҥоһуулаах ураты киэргэллэр, хаһаайыстыбаҕа туттуллар мал-сал эгэлгэтэ, сувенир арааһа, бастыҥа, ас-үөл иҥэмтиэлээҕэ, минньигэһэ, аныгы уонна классическай көрүөхтэн кэрэ таҥас-сап, о.д.а. барытын манна кэлэн биир түһүлгэҕэ көрүөххүтүн, атыылаһыаххытын, бэйэҕитигэр бэлэх оҥостуоххутун сөп.
Быыстапка иитинэн туһалаах маастар-кылаастар ыытыллаллар, дизайнердар кэллиэксийэлэрин сөҕө-хайгыы көрүөххүт, болҕомтону тардар кулинарнай шоу ыытыллар. Кэлиҥ! Сылдьыҥ! Ыалдьыттааҥ!
Бырагырааманы сиһилии манна көрүҥ: https://www.sakha.gov.ru/news/front/view/id/3380339
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…