Хаартыска: Андрей Сорокин, СИА.
Саха сиригэр ойуур бизонун үөскэтэр бырайыак саҕаланыаҕыттан кинилэр ахсааннара 320-чэ төбөҕө тиийдэ.
Бу өссө быйылгы төрүөҕү аахсыбакка туран: саҥа төрүөҕү кыһыҥҥы аһатыы кэмигэр ааҕыахтара. Маннык бэйэтин дьаалатынан үөскүү турдаҕына, 2035 сылга өрөспүүбүлүкэҕэ бизон ахсаана 1000-ҕа тиийэр туруктаах. Бу туһунан биологическай ресурсалар, ураты харыстанар айылҕалаах сирдэр, айылҕа пааркаларын дириэксийэтигэр эттилэр.
Саха сиригэр бизону хаттаан ууһатыы 2006 сылтан саҕаламмыта. Бырайыак дьиикэй кыыллары хаттаан ууһатыыга Арассыыйаҕа аан дойдутааҕы таһымнаах саамай бөдөҥ тэрээһининэн буолбута. Бу кыыл урут Саха сиригэр үөскүү сылдьыбыт итиэннэ палеонтологтар этэллэринэн 2000 сыл анараа өттүгэр киһи кыдыйан мэлиппит. Билигин IUCN кыһыл испииһэгэр уонна Саха сирин Кыһыл кинигэтигэр киирэн турар.
Учуонайдар бизону истиэп уонна ойуур бизоннара диэҥҥэ араараллар. Былыр плейстоцен кэмигэр Саха сиригэр ууһуу сылдьыбыт кыылы билиҥҥи ойуур бизонун курдук дииллэр, олор элбэҕэ суох популяциялара Канадаҕа эрэ ордубут. Өскөтө Хотугу Америкаҕа кини үөскүүр сиригэр туох эрэ катастрофа буолар түгэнигэр, ойуур бизона Саха сиригэр эрэ ордон хаалар. 2017-2018 сс. Сиинэ өрүс орто сүүрүгэр айылҕаҕа көҥүл сырытыннараары ыыппыттара. Олор ахсааннара 130 төбөҕө тиийбит.
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…