БКЭ туттарар бириэмэтин улаатыннарыахтарын сөп

Арассыыйаҕа БКЭ туттарарга ордук уһун бириэмэни биэриэххэ наада диэн Рособрнадзор салайааччыта Анзор Музаев аатыгар туһааннаах суругу Госдуума бэрэссэдээтэлин солбуйааччы Владислав Даванков ыытта, диэн ТАСС суруйар.
Ааптар санаатынан, выпускниктарга БКЭ туттарыыга бириэмэ тиийбэт. Билигин эксээмэннэр биридимиэтиттэн көрөн 180-235 мүнүүтэҕэ диэри буолар.
«Математикаҕа, физикаҕа уонна да атын биридимиэттэргэ БКЭ уһуна 4,5-5 чааска диэри улаатара наадалаах», – диэн сурукка ыйыллыбыт. Парламентарийдар бу оскуола үөрэнээччилэригэр стресстэн тахсар кыаҕы биэриэ диэн быһаардылар, ол түмүгэр билиини сыаналааһын чопчу буолуоҕа.
Ааптар Рособрнадзор этиитин өйүүргэ уонна эксээмэннэр регламеннарыгар сөптөөх уларытыылары киллэрэргэ көрдөһөр.
Санаттахха, кулун тутар 21 күнүттэн саҕалаан муус устар 21 күнүгэр диэри боодьоҕун иннинэ БКЭ түһүмэҕэ саҕаланар. Сүрүн эксээмэннэр – ыам ыйын 23 күнүттэн от ыйын 4 күнүгэр диэри ыытыллыахтара, оттон эбии эксээмэннэр – балаҕан ыйын 4-23 күннэригэр.
Сообщить об опечатке
Текст, который будет отправлен нашим редакторам: