Хаартыска: видеоттан скрин
Благовещенскай олохтоохторо уонна ыалдьыттара самаан сайыны уруйдуур үрүҥ тунах ыһыах бырааһынньыгар кытыннылар.
Ыһыах «АмурЭкспо» Арассыыйа-Кытай экэнэмиичэскэй пуорум чэрчитинэн буолан ааста.
Ыһыах Уһук Илиҥҥи судаарыстыбаннай аграрнай университет стадионун территориятыгар буолан ааста. Ыалдьыттары төрүт үгэстэри тутуһан сахалыы таҥастаах Далбар Хотуттар алгыстаатылар. Алдан оройуонун артыыстара оһуохайдаатылар. Бырагыраамаҕа барыта 80-тан тахса артыыс кыттыыны ылла.
Тэрээһиннэргэ Кытай Большой Хинган провинцияны уонна Саха сирин Бырабыыталыстыбатын бэрэстэбиитэллэрэ кытыннылар. Ыһыах чэрчитинэн култуураны сайыннарыы, успуорт тэрээһиннэрин ыытыыга уонна агробырамыысыланнай эйгэҕэ бииргэ үлэлээһиннэри тупсарыыга сөбүлэһиилэр баттаннылар. Бу туһунан «АмурЭкспо» ТГ-ханаала иһитиннэрэр.
«Аҕыйах хонук иһигэр «АмурЭкспо» пуорум чэрчитинэн элбэх көрсүһүүлэри ыыттыбыт. Бүгүҥҥү бырааһынньык түмүктүүр тэрээһининэн буолла. Ый анараа өттүгэр Алдан оройуонун уонна улахан Большой Хинган салалталарын кытта көрсүбүппүт. Благовещенскайга бииргэ үлэлээһиннэрбит салҕаналлар. Биһиги успуорт уонна култуурунай тэрээһиннэри ыытыыга, тыа хаһаайыстыбатын хайысхатын сайыннарыыга бииргэ үлэлээһиннэргэ сөбүлэһиигэ илии баттастыбыт. Ыһыах үрдүк тэрээһиннээхтик ааста. Амур уобалаһын уонна Росконгресска махталбытын тиэрдэбит, — диэтэ Уһук Илиҥҥи федеральнай уокурукка СӨ бастайааннай бэрэстэбиитэлин солбуйааччы Петр Бурнашов.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…