Хаартыска: ЯСИА
Омук сирин социальнай ситимнэригэр, Instagram* уонна Facebook*, угуйугу таһаарбыт иһин накаастабылы 1 мөл. солкуобайга диэри улаатыннарыахтарын сөп.
«Известия» хаһыат быһаарбытынан, маннык сокуон барылын Госдуумаҕа Куттал суох буолуутугар кэмитиэтин бэрэссэдээтэлин солбуйааччы, «Биир ньыгыл Арассыыйа» фракция дьокутаата Анатолий Выборнай Үрдүкү суукка, Генеральнай борокуратуураҕа уонна ИДьМ-ҥа сурук ыыппыт.
«Билигин олохтоммут бобууну кэһии иһин ыстарааптар кыра кээмэйдэрэ бобуллубут ресурстарга угуйугу таһаарыыттан сөптөөх сэрэтэр дьайыыны хааччыйбаттар», — диэн сокуон барылын быһаарыы суругар этиллэр. Онуоха маннык дьарыктан киирэр дохуоттар накаастабыл кээмэйин хас да төгүл куоһараллар, диэн докумуоҥҥа бэлиэтэнэр.
Онон сибээстээн, накаастабылы кытаатыннарар туһунан этии киирдэ: гражданнарга ыстараап кээмэйин 50-тан 80 тыһыынча солкуобайга диэри, дуоһунастаах дьоҥҥо — 80-тан 150 тыһыынчаҕа диэри, оттон юридическай сирэйдэргэ — 500 тыһыынчаттан 1 мөлүйүөҥҥэ диэри олохтуур.
«2,5 тыһыынча солкуобайдаах ыстараап кими да тохтоппото чахчы — блогердар бобуллубут социальнай ситимнэргэ угуйугу уруккутун курдук салгыы таһаараллар. Кинилэр сүүһүнэн тыһыынча, оттон сороҕор мөлүйүөнүнэн солкуобай харчылаах угуйуктан киирэр дохуоттарын кытта тэҥнээтэххэ, баара-суоҕа олох кыра суума», — диэн Выборнай накаастабылы күүһүрдэр наадатын «Известия» хаһыакка быһаарда. Кини ону таһынан, Арҕаа дойдулар Арассыыйаны утары саҕалаабыт информационнай сэриилэрин усулуобуйатыгар, бобуллубут платформалар сымыйа информацияны, экстремизмы, түөкүттэр туһахтарын, дьону угуйааччылары уонна дойду утары туһаайыллыбыт бэбиэскэни сыаллаах-соруктаах тарҕатарга көхтөөхтүк туһаныллалларын бэлиэтээтэ.
— ** Meta хампаанньа бас билиитэ. Бу хампаанньа үлэтэ-хамнаһа РФ-ҕа экстремисткэйинэн билиниллибитэ уонна бобуллубута.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…