Хаартыска: yakut.er.ru
«Биир ньыгыл Арассыыйа» баартыйа уопсастыбаннай өйөбүлүн ыстаабыгар «Боевые шелкопряды» волонтерскай хамсааһын төрдүс филиала аһылынна.
Ыстааб иһинэн 603 кэбиниэккэ күннэтэ волонтердар сетка баайыахтара, ону тэҥэ туһалаах дьарыгы баһылыан баҕалаахтарга маастар-кылаастары ыытыахтара.«Биһиги төрдүс филиалы арыйан үлэлэтэрбитигэр уопсастыбаннай өйөбүл ыстаабыгар махтанабыт. Билигин байыастарга көмө олус наадалаах. Биһиги баайбыт сеткаларбыт байыастарбыт олохторун быыһыыллар. Биһиги хамсааһыммытыгар кыттыан баҕалаахтары барыгытын ыҥырабыт. Манна байыаннай дьайыы кыттыылаахтарын олохторун быыһыыр маскировкалыыр сеткалары баайарга үөрэтиэхпит», — диэн волонтерскай хамсааһынын салайааччыта Марина Васильева эттэ.
Санатан эттэххэ, «Боевые шелкопряды» волонтердар хамсааһыннара байыаннай дьайыы зонатыгар 4000-тан тахса маскировочнай сеткалары ыыппыта, итини таһынан волонтердар бааһырбыт дьону таһарга наһыылкалары оҥорон бэлэмнииллэр. «Бүгүн биһиги икки чаас эрэ иһигэр маскировкалыыр сетканы оҥордубут. Административнай үлэҕэ управлениетын кииниттэн түөрт үлэһит маастар-кылаастары ааһан, 2*2,5 миэтэрэ иэннээх маскировкалыыр сетканы оҥордулар», — диэн волонтер Мария Васильева санаатын үллэһиннэ.
«Боевые шелкопряды» хамсааһыҥҥа +7914-231-16-65, +7914-237-94-56 төлөпүөн нүөмэрдэринэн суруттарыахха сөп.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…