Богдан Прокопьев Арассыыйатааҕы пауэрлифтинг чөмпүйэнээтигэр кыттыаҕа

Мурманскайга бэс ыйын 17-22 күннэригэр Арассыыйатааҕы пауэрлифтинг чөмпүйэнээтэ буолуоҕа.

Чөмпүйэнээккэ Саха сирин сүүмэрдэммит хамаандатын састаабыгар Үөһээ Бүлүүттэн төрүттээх Богдан Прокопьев кыттыаҕа. Ол туһунан «Триумф» пресс-сулууспата иһитиннэрдэ.

Саха спортсмена классическай троеборьеҕа киирсиэҕэ. Дойду чөмпүйэнээтигэр күүстээх спортсменнар мустуохтара.

Богдана Прокопьев 120 кг диэри ыйааһыннаахтарга барыта 14 атлет кыттара күүтүллэр, олор ортолоругар икки норуоттар икки ардыларынааҕы кылаастаах успуорт маастардара, алта успуорт маастара. Сайаапканы барыта 180-тан тахса пауэрлифтер дойду 54 эрэгийиэниттэн ыыппыт.