Богдан Прокопьев пауэрлифтиҥҥэ Арассыыйа Куубагын боруонса мэтээлин ылла

Алтынньы 14 күнүттэн 24 күнүгэр диэри Курган куоракка пауэрлифтиҥҥэ (классическай үс көрүҥҥэ) Арассыыйа Куубага буолан ааста.

Күрэхтэһиигэ Богдан Прокопьев кыттыытын туһунан Курган уобалаһын пауэрлифтиҥҥэ Федерацията иһитиннэрэр. 120 киилэҕэ диэри саамай уустук ыйааһын категориятыгар Богдан уһулуччулаах көрдөрүүнү ситиһэн, турнир боруонса мэтээлин ылла уонна Арассыыйа Куубагын подиумугар таҕыста.

«Бу ситиһии – хас да ыйдаах дьаныардаах эрчиллии, бэйэни дьаһыныы уонна сөҕүмэр күүстээх санаа түмүгэ. Биһиги Богданы бу үрдүк ситиһиитинэн ис сүрэхпититтэн эҕэрдэлиибит уонна кини кыттыытынан киэн туттабыт! Саҥа ситиһиилэри, бэйэтин күүһүгэр эрэли, бүтүн Арассыыйатааҕы уонна норуоттар икки ардыларынааҕы аренаҕа чаҕылхай кыайыылары баҕарабыт!». – диэн «Триумф» пресс-сулууспата суруйар.