Боинг сөмөлүөт Москваҕа көтөн иһэн төннүбүт…

ЫБММ Саха сиринээҕи салаата иһитиннэрбитинэн,  Дьокуускай — Москва хайысхатынан  көтөн испит «Якутия» АХ  Боинг-737  төттөрү Дьокуускай  аэропуордугар төннүбүт.

Ол курдук, автопилот үлэтэ туруга суоҕунан, аэропуорка төннөр туһунан быһаарыы ылыммыттар. Сөмөлүөккэ 128 киһи, ол иһигэр 123 пассажир уонна экипаж 5 чилиэнэ бааллар.

Көтөр аал 12:17 чааска пуорка  төннүбүт. Эмсэҕэлээбит дьон суох, сөмөлүөккэ туох да алдьаныы, кээһэнии тахсыбатах.