Бойобуой дьайыы бэтэрээнин дастабырыанньатын электроннай ньыманан оҥорторуохха сөп

122 суһал лииньийэ күнүстэри-түүннэри үлэлиир. Бу сыл тохсунньу ыйыттан кулун тутар 31 күнүгэр диэри 7743  киһи  эрийэн сибээскэ тахсыбыт.

Ону сэргэ 4588 утары эрийии оҥоһуллубут.  Бу туһунан сулууспа салайааччыта Мария Винокурова   брифинг кэмигэр иһитиннэрдэ.

Маны таһынан бойобуой дьайыы бэтэрээнин дастабырыанньатын электроннай ньыманан  оҥорторуохха сөбүн туһунан Мария Винокурова бэлиэтээн эттэ. РФ Оборуона министиэристибэтин саайтыгар электроннай дастабырыанньаны  пластиковай каартанан биэрии туһунан сиһилии суруллубут. Бу каартаны ыларга https://www.psbank.ru/Personal/Salary/svoi саайтка сайаапка түһэриэххэ сөп.