Бойобуой дьайыы кыттыылааҕа “Аҕа дойдуну көмүскээччи Куубагар” кыттыа

Share

Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар “Аҕа дойдуну көмүскээччи Куубагар” кыттыаҕа.

Игорь Саха сирин сүүмэрдэммит хамаандатын хапытаана, күрэхтэһиигэ күүскэ бэлэмнэнэ сылдьар. Ыам ыйын 30 күнүгэр эрэгийиэннээҕи түһүмэххэ кыттан, оҕунан ытыыга эрэллээхтик бастакы миэстэни ылбыта.

“Туох баарбынан бэлэмнэнэ сылдьабын – тиэхиньикэни чочуйабын, тулуурдаах, чуолкай буоларга үлэлиибин. Миэхэ бу күрэхтэһии эрэ буолбатах, бааһырыы да кэнниттэн үрдүк түмүктэри ситиһиэххэ сөбүн дакаастыыбын. Бэйэм эрэгийиэммин дьоһуннук биллэриэхпин, бэтэрээннэр – күүстээх санаалаах дьон буолалларын  көрдөрүөхпүн баҕарабын”, — диир Игорь.

Игорь Марсунов Хаҥалас улууһуттан төрүттээх. Байыаннай дьайыыга кыттыан иннинэ силовой структураҕа үлэлээбитэ, спордунан дьарыктанара, футболга тириэньэрдиирэ. Байыаннай дьайыы саҕаламмытыгар Игорь Владимирович туора турбатаҕа – 2022 сыл балаҕан ыйыгар “Ахмат-спезнац” этэрээккэ бастакылар кэккэлэригэр киирэн, бойобуой дьайыылар буола турар сирдэригэр барбыта.

Солидар аннынан кимэн киириигэ кини атаҕар улаханнык бааһырбыта. 2023 сыллаахха реабилитация кэнниттэн социальнай координатор Екатерина Перевалова кинини оҕунан ытыыга үөрэтэр маастар-кылааска ыҥырбыта. Ону спорт үтүөлээх маастара, Паралимпийскай оонньуулар призердара уонна аан дойду чөмпүйүөнэ  Степанида Артахинова ыытара. Бу күнтэн ыла Игорь оҕунан ытыынан үлүһүйбүтэ уонна спортивнай, партиотическай тэрээһиннэргэ көхтөөхтүк кыттар буолан барбыта.

2024 сылтан кини ПОДА кыттааччыларыгар Саха сирин чөмпүйүөнэ, бэтэрээннэр ортолоругар өрөспүүбүлүкэ күрэхтэһиитигэр призер буолбута. Эрэгийиэннэр икки ардыларынааҕы “Аҕа дойдуну көмүскээччи Куубагар” аан бастакы кыттыыта киниэхэ Бүтүн Арассыыйатааҕы финалга барар путевканы биэрбитэ, манна кини биэс бастыҥ иһигэр киирбитэ. Ол сыл күһүнүгэр Игорь Владимирович Алексиҥҥа оҕунан ытыыга Арассыыйа сүүмэрдэммит хамаандатын кытта үөрэтэр-эрчийэр хомуурун кыттыылааҕа буолбута, диэн иһитиннэрэр Ил Дархан, бырабыыталыстыба пресс-сулууспата.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

5 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

6 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

6 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

7 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

7 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

8 часов ago