Хаартыска: ЯСИА
2025 сыл тохсунньу 1 күнүттэн байыаннай дьайыыга кыттыбыт уонна Сэбилэниилээх күүстэр биэдэмистибэлэригэр үлэлээн бүппүттэр (уурайбыттар, демобилизацияламмыттар) Арассыыйа Социальнай пуондатын Чөлүгэр түһэрэр кииннэригэр өҥөнү ылыахтара. Ол туһунан Саха сирин Бырабыыталыстыбатын Бэрэссэдээтэлин солбуйааччы Георгий Степанов брифиҥҥэ иһитиннэрдэ.
“Чөлүгэр түһэрэр кииннэргэ эмтэнэ барыыга уонна төннүүгэ бырайыас төлөбүрэ Арассыыйа Социальнай пуондатын бүддьүөтүн суотугар оҥоһуллар. Өҥөнү ылыыга Арассыыйа Социальнай пуондатын Саха Өрөспүүбүлүкэтигэр отделениетын оройуоннардааҕы салаатытан ыйытыҥ”, — диэтэ Георгий Степанов.
Бэрэссэдээтэли солбуйааччы Саха сиригэр байыаннай сулууспалаахтарга – байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөлөһүү салҕанарын эттэ. Ахсынньы 13 күнүнээҕи туругунан, 163 ыалга олорор дьиэлэрин гаастааһыҥҥа харчы бэриллибит, байыаннай сулууспалаахтар 537 төрөппүтүгэр санаторийга-куруорка эмтэниилэригэр көмөлөстүлэр, 391 киһи байыаннай сулууспалаах эмтэнэр сиригэр тиийиигэ материальнай көмөнү ылла. Байыаннай дьайыы 925 кыттыылааҕа уонна дьиэ кэргэн 1738 чилиэнэ доруобуйа харыстабылын уонна социальнай хааччыйыы тэрилтэлэригэр чөлүгэр түстүлэр. 345 киһини дьиэҕэ социальнай уонна стационар көрүҥнээх хааччыйдылар.
Нэһилиэнньэ дьарыктаах буолуутун кииннэригэр үлэҕэ киирээри 638 киһи сырытта, ол иһигэр байыаннай дьайыы 217 кыттыылааҕа уонна дьиэ кэргэн 421 чилиэнэ. Кинилэртэн 154 киһини үөрэттэрэ ыыттылар, 388 киһи үлэҕэ киирдэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…