Боксер Василий Егоров аан дойду чөмпүйэнээтигэр кыттыаҕа

Василий Егоров буоксаҕа эр дьоҥҥо аан дойду чөмпүйэнээтигэр кыттар Арассыыйа сүүмэрдэммит хамаандатын састаабыгар киирдэ. Кини бу күрэхтэһиигэ 51 киилэҕэ диэри ыйааһыҥҥа илин-кэлин түсүһүөҕэ.

Аан дойду чөмпүйэнээтэ муус устар 30 күнүттэн ыам ыйын 14 күнүгэр диэри Узбекистаҥҥа ыытыллар. Арассыыйа буоксаҕа сүүмэрдэммит хамаандата бу норуоттар икки ардыларынааҕы күрэхтэһиигэ бэйэтин былааҕынан кыттарга мэктиэлэммит.

Василий Егоров Арассыыйа сүүмэрдэммит хамаандатын састаабыгар дойду билиҥҥи чөмпүйүөнэ быһыытынан киирдэ.

Аан дойду чөмпүйэнээтин рингэтигэр барыта 13 кэмпилиэк мэтээл оонньонуоҕа. Тэрийээччилэр иһитиннэрбиттэринэн, күрэхтэһии бириистээх пуондата — 5,2 мөл. дуоллар.