Боксер Василий Егоров полуфиналга тахсар иһин киирсиигэ хоттордо

Хабаровскайга буола турар буоксаҕа Арассыыйа чөмпүйэнээтигэр Саха сирин боксердара киирсэн бүттүлэр. Успуорт үтүөлээх маастара Василий Егоров финал чиэппэринээҕи киирсиигэ хотторуу хомолтотун биллэ. 

Кини бу киирсиигэ Бурятитяттан сылдьар дойду икки төгүллээх чөмпүйүөнүн Баир Батлаевы кытта күрэхтэспитэ. Спортсменнар иккиэн күүстээх утарылаһыыны көрдөрүлэр, ол эрээри судьуйалар кыайыыны бүрээт боксеругар биэрдилэр.

Онон, Саха сирин боксердара Арассыыйа чөмпүйэнээтигэр киирсиилэрэ манан түмүктэннэ. Бу күҥҥэ Николай Пшенников эмиэ хоттордо, ол иннинэ Рустам Туприн мэтээл иһин киирсииттэн, хомойуох иһин, эмиэ турораабыта.