Боксер Василий Егоров спортивнай карьератын түмүктүүрүн туһунан иһитиннэрдэ

Саха сирин биир саамай титуллаах боксера Василий Егоров спортивнай карьератын түмүктүүрүн туһунан иһитиннэрдэ. Бу туһунан спортсмен телеграм-ханаалыгар суруйбут.

«Буоксалыырбын Саха сириттэн саҕалаабытым: бастакы хардыылар, бастакы кыайыылар… Онон дойдубар, биир дойдулаахтарым ортолоругар күрэхтэһэн баран тохтуубун», — диэн суруйбут.

Василий Егоров ахсынньы 14 күнүгэр «Өрөгөй» успуорт комплексыгар «Вызов Севера» буокса күрэхтэһиитигэр киирсиэҕэ. Манна кини филиппинец Джевен Велласитаны кытта күрэхтэһиэҕэ.