Саха сиригэр болдьоҕун иннинэ куоластааһын саҕаланна

Балаҕан ыйын 3 күнүттэн Саха сиригэр болдьоҕун иннинэ куоластааһын саҕаланна.

Куоластааһын бу сыл балаҕан ыйын 3-13 күннэригэр ыытыллыаҕа. Учаастактааҕы быыбардыыр хамыыһыйа үлэ күннэригэр 16:00 чаастан киэһэ 20:00 чааска диэри үлэлиэҕэ, оттон өрөбүл күннэргэ быыбардыыр хамыыһыйа быһаарыытынан анаммыт чаастарга куоластааһыны ыытыаҕа.

Убаастанар биричиинэнэн быыбардыыр күн кыайан учаастактааҕы быыбардыыр хамыыһыйаҕа кэлэр кыаҕа суох киһи болдьоҕун иннинэ куоластыыр бырааптаах. Бу үлэ кыраапыга, эмтэнэ сылдьыы, командировкаҕа эбэтэр уоппускаҕа барыы уо.д.а. буолуон сөп.

Балаҕан ыйын 4 күнүттэн быыбардыыр хамыыһыйалар быыбардыыр дьиэттэн атын сиргэ  куоластыыр дьонтон сайаапкалары ылаллара саҕаланар.

Балаҕан ыйын 14 күнүгэр быыбардыыр учаастактар ​​сарсыарда 8:00 чаастан киэһэ 20:00 чааска диэри үлэлиэхтэрэ. Быыбары ыытыыны 2061 УБХ чилиэнэ хааччыйыаҕа. Быыбардааччы ахсаана — 175969 киһи.