Болгарканан күлүүһү эрбээн киирбит

Дьокуускайдааҕы полиция дьуһуурунай чааһыгар олохтоох киһи учаастагыттан 18 тыһ.солк. сыаналаах малын уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ 28 саастаах киһи уорбаланарын быһаарбыттар.

Уорбаланааччы учаастак таһынан ааһан иһэн контейнер турарын көрбүт. Аккумулятордаах болгарканан контейнер күлүүһүн эрбээн киирбит уонна сыбааркалыыр аппарааты, болгарканы уорбут. Ону салгыы комиссионнай маҕаһыыҥҥа туттарбыт.

Уоруунан холуобунай дьыала тэрилиннэ.