Хаартыска -- "Юные якутяне" Ресурснай киин саайтыттан
Бу күннэргэ оскуола оҕолоругар уонна кыраайы үөрэтиигэ үлэлэһэр эбии үөрэхтээһин педагогтарыгар анаан өрөспүүбүлүкэтээҕи култуура уонна устуоруйа эбийиэктэрин үөрэтиигэ уонна туризм эбийиэктэрин быһыытынан көмүскээһиҥҥэ «Устуоруйа кэрчиктэрэ» («Вехи истории») куонкурус биллэрилиннэ.
Тэрийээччилэр — «Юные якутяне» өрөспүүбүлүкэтээҕи ресурснай киин уонна СӨ Туризм сайдыытын уонна террриториальнай маркетинг ааҕыныстыбата.
Тэрээһин соруга — куонкуруска көмүскэммит улууска, нэһилиэккэ буолан ааспыт устуоруйа чахчыта уонна онно туристара сырытыннарар усулуобуйаны тэрийии. Бу үлэ ыччаты Ийэ дойдуга бэриниилээх буолууга иитэр, төрөөбүт дойду устуоруйатыгар уонна култууратыгар интэриэһи үөскэтэр, Саха сирин улуустарын ситимниир соруктаах.
СӨ Туризм сайдыытын уонна террриториальнай маркетинг ааҕыныстыбатын салайааччыта Дмитрий Громов бэлиэтииринэн, үлэ бу хайысхата Уһук Илин уокуругар аан бастаан үлэҕэ киириэҕэ. «Юные якутяне» ресурснай киин салайааччыта Ирина Черкашина: «Бастатан туран, бырайыак оҕону патриотизм тыыныгар иитиигэ олус улахан оруоллаах буолуоҕа. Туризмы сайыннарыынан үлэлиир тустаах тэрилтэни кытта бииргэ үлэлээһиҥҥэ илии баттаһыыбыт үтүө түмүктээх буолуоҕар эрэнэбит», — диэн эттэ.
Тэрээһин кыттааччылара — өрөспүүбүлүкэ оскуолаларын үөрэнээччилэрэ уонна эбии үөрэхтээһин педагогтара, уопсастыбаннай түмсүүлэр, куруһуоктар салайааччылара.
Куонкурус 2023 сыл муус устар 29 күнүттэн сэтинньи 3 күнүгэр диэри барар. Кыттааччылар үс түһүмэҕи ааһаллар:
1. Куонкуруска кыттыы туһунан сайаапка
2. Куонкурус кэтэхтэн (заочно) ыытыллар. Киирбит үлэлэри хамыыһыйа дьүүллүүр сүбэҕэ ыытар. Онно номицияларынан 3-түү бастыҥ үлэ талыллар.
3. Куонкуруска кыайбыт 18 үлэ куйаар ситим нөҥүө көмүскэнэр.
Тэрээһин Оҕо туризмын сайыннарыыга туһаайыллар. Кыайбыт үлэлэр Саха сиригэр туризм сайдыытыгар сүҥкэн өйөбүлү оҥоруохтара, сонун туристическай маршруттар арыллыахтара. Араас туристическай квест-оонньуулар, маастар кылаастар уонна кэрэхсэбиллээх айан оҕо төрөөбүт дойдутун туһунан билиитин хаҥатарыгар улахан туһалаах буолуоҕа.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…