Өксөкүлээх Өлөксөй аатынан норуоттар доҕордоһууларын дьиэтигэр “Саха сирэ сомоҕолуур. Ыччат омук – инники кэскилэ” Уһук Илин эрэгийиэннэрин араас омук ыччаттарын пуорумугар дойду киин куоратыттан Москваттан үгүс ыҥырыылаах эксперт сырытта.
Кинилэр ортолоругар уопсастыбаннай бырайыактар уонна социальнай технологиялар эйгэлэрин ааттаах-суоллаах эксперэ Егор Якорев баар. Москваттан сылдьар ыалдьыт пуорум кыттыылаахтарыгар «Патриотическай үлэ: тугу гыныахха?» диэн тиэмэҕэ маастар- кылаас ыытта.
Тэрээһиҥҥэ Арктическай технологическай университет устудьуоннара уонна преподавателлэрэ көхтөөх кыттыыны ыллылар.
Икки күн устата пуорумҥа араас омук устудьуоннарын кытта бииргэ сылдьыбыт ветеринарнай мэдиссиинэ факультетын дэкээнин иитэр үлэҕэ солбуйааччы, ыстаарсай преподаватель Владимир Устинов маастар-кылаас туһунан санаатын маннык үллэһиннэ:
— Ийэ дойдуга бэриниилээх буолуу ис хоһоонун өйдүүргэ, ырытарга, ону ыччакка тиэрдэргэ аналлаах тэрээһин биһиэхэ, ыччаты кытта ыкса сибээстээхтик үлэлиир дьоҥҥо, олус туһалаах Мин ордук уопсастыбаннаһы кытта 20 сыл үлэлээбит Москваттан кэлэн сылдьар эксперт Егор Якорев ыыппыт маастар-кылааһын сэргээтим.
«Ийэ дойдуга бэриниилээх дьону иитиигэ, олоххо көхтөөх ыччаты эрэ кытта үлэлиир дьон үгүс. Ол эбэтэр оскуола эрдэхтэн идэтин таба талбыт, олоҕун оҥкулун бигэтик толкуйдаабыт ыччат патриотизм ис өйдөбүлүн номнуо билэр, толкуйдуур. Биһиги үксүгэр итинник ыччаттары мунньан кэпсэтэбит, өйдөтүү үлэтин ыытабыт. Ол туйгун үөрэнээччини хос-хос үөрэтиигэ тэҥнээх. Оттон ыччат үгүс араҥата социальнай ситимнэринэн, интэриниэтинэн сирдэтэн олоҕу көрөр, ырытар. Урукку кэмнэргэ аҕа уонна ийэ үөрэтиитин, билигин интэриниэт «оҥорор». Онон биһиэхэ ыччаты кытта олохтоохтук уонна болҕомтолоохтук үлэлиир сорук турар.
Аныгы үйэҕэ устуоруйаны араас өттүттэн көрөн үөрэтии, өйдөтүү, ылыныы бара турар кэмигэр патриотическай иитиигэ болҕомтону анаан ууруохха наада», — диэн этэн туран, Егор Якорев үгүс холобурдары аҕалла, аһаҕас кэпсэтиини тэрийдэ.
Бу пуорум түмүгүнэн биһиги, АГАТУ устудьуоннарын кытта иитэр үлэҕэ үлэлэһэр дьон, тустаах түмүгү оҥостон, үлэ саҥа тосхолун торумнуохпут.
Андрей Турантаев саха төрүт сүөһүтүн тэнитэр “Саха сүөһүтэ” генопуонда тэрилтэҕэ 2013 сылтан үлэлиир. – Кылаабынай…
Бүгүн Ис Дьыала министиэристибэтин полиция 4-с отделын дьуһуурунай чааһыгар суһал иһитиннэрии киирдэ. Иһитиннэрииттэн биллибитинэн, Күөх…
“Индивидуализация, наставничество и тьюторство в этнокультурной образовательной среде” диэн Дьокуускай куорат Саха гимназиятын үлэтин сырдатар…
Петр Попов Чурапчытааҕы ОДьКХ гаас хочуолунайын операторынан 30-ча сыл үлэлиир. – 1995 сылтан тохтоло суох…
Үгэскэ кубулуйбут «Үлэ киһитэ» бириэмийэни туттарыы сиэрэ-туома бүгүн ыытылынна. Ил Дархан Айсен Николаев телеграмҥа: -…
Амма сэлиэнньэтин «Сэргэлээх» түөлбэтин олохтоохторо муус устар 29 күнүгэр чугастааҕы сирдэригэр-уоттарыгар бөҕү-сыыһы хомуйдулар. «Уһун унньуктаах…